Mae’r parth yn cynnwys y llwybr pererindod hynafol a ddilynwyd gan Sant Aidan ac mae’n wasanaeth delfrydol i archwilio arfordir ysblennydd gogledd Sir Benfro, yn ogystal â mynediad i siopau, gwasanaethau a gweithgareddau yn Abergwaun a Thyddewi.

Mae cysylltiadau â gwasanaethau rheilffyrdd a gwasanaethau bws ar gael yn Abergwaun. Mae gwasanaeth St Aidan hefyd yn cyd-fynd â Gwibiwr Strwmbwl (Gwasanaeth Bws 404), gan roi mwy o ddewisiadau i gerddwyr ac ymwelwyr ag arfordir Sir Benfro.

Dim ots beth yw diben eich taith, gallwch archebu i gael eich codi neu eich gollwng unrhyw le yn y parth Sant Aidan sy’n cael ei ddangos ar y map yn ystod yr oriau gwasanaeth isod. Gall Fflecsi eich hebrwng yno a’ch dychwelyd eto

Mae parth Jemima wedi’i enwi ar ôl Jemima Niclas, arwres leol chwedlonol. Mae’r gwasanaeth yn cynnwys yr ardal rhwng Abergwaun a Hwlffordd. Mae’r gwasanaeth yn eich galluogi i archwilio tapestri Glaniad y Ffrancod yn Abergwaun a Pharc Gwledig Maenordy Scolton.   Gallwch chi hefyd ddefnyddio Fflecsi i gael mynediad i siopau, gwasanaethau a gweithgareddau yn Abergwaun, Treletert a Hwlffordd.

Mae cysylltiadau â gwasanaethau rheilffyrdd a gwasanaethau bws ar gael yn Abergwaun a Hwlffordd.

Mae’r parth hwn yn cysylltu penrhyn hardd Dale, yng nghanol Parc Cenedlaethol Arfordir Penfro, â threfi bywiog Hwlffordd ac Aberdaugleddau.

Gallwch deithio i unrhyw le o fewn y parth ar gyfer hamdden, gwaith, siopa, addysg neu apwyntiadau iechyd – yn ogystal â defnyddio’r gwasanaeth i grwydro arfordir trawiadol a hardd cefn gwlad Sir Benfro.

Mae cysylltiadau â gwasanaethau rheilffordd a bws ychwanegol ar gael yn Hwlffordd ac Aberdaugleddau.

Beth bynnag fo pwrpas eich taith, archebwch docyn i gael eich codi neu eich gollwng unrhyw le yn y parth a ddangosir ar y map isod – gall fflecsi eich cludo yno ac yn ôl yn ddidrafferth.

Dydy ein bysiau ni ddim yn croesi i’r pathau eraill, felly efallai y bydd angen I chi archebu mwy nag un daith os ydych chi’n bwriadu teithio ar draws y sir.